Besprekings: info@kleineparadys.co.za

Besprekings SLEGS deur e-pos asseblief.

Lees voordat u bespreking maak asb!

Ons het die volgende inligting nodig om `n bespreking te kan doen:

  • Datums van kamp (Aankoms, vertrek)
  • Akkomodasie/staanplek (as jy weet)
  • Getal persone bo 6 jaar/getal persone onder 6 jaar.
  • Waarmee kom u kamp, tent of karavaan. Indien karavaan verskaf Fabrikaat en Model.
  • Selnommer
  • Is u `n Pensioenaris? (Pensioenaris afslag geld nie vir naweke en skoolvakansies nie)

Algemene inligting wat ons baie kan help om `n vinniger diens aan u te lewer:

Die besprekingskantoor is oop Maandae tot Vrydae vanaf 09:00 tot 16:00.

Gee asb by elke bespreking bogenoemde inligting sodat ons vir u die regte staanplek te kan gee. Selfs waarmee u kamp is belangrik, bv. dubbel-as karavane kan uitgelaat nie op Bloekompark 1-4 staan nie.

Baie keer werk ons meer as een persoon op die besprekings en wanneer iets per foon bespreek word, het die ander een geen rekord om op terug te gaan nie. Daarom wil ons graag alles op epos hê.

Ons kry geweldig baie eposse asook baie oproepe per dag, so partykeer staan eposse oor tot die volgende dag. Wees asb geduldig - ons is `n werkende plaas en dinge gebeur. Ons sal poog om binne 24 tot 48 uur terugvoering te gee op navrae.

Wanneer u reeds `n faktuur ontvang het, gebruik asb die faktuur nr. as verwysing op elke betaling en elke epos of wanneer u skakel. Indien u die besprekingsdatum bysit by navrae en veranderinge kan dit baie vinniger gedoen word.

Indien moontlik, vra beskikbare datums per epos aan, gee indien moontlik is vir ons meer as een datum en ons sal na u terugkom. Hou in gedagte dat daar `n moontlikheid is dat die datum intussen gevul kan wees deur iemand wat alreeds navraag gedoen het en wie se inligting meer volledig voorsien is vir `n bespreking.

Maak asb seker van u datums voordat u bespreek (of een van u gesin nie reeds iets anders aan het nie). Sit die getal persone op waarvan u seker is, want ons kan die getal nie verminder en faktuur verander wanneer u inboek nie. A.g.v die groot getal fakture wat ons elke dag moet verander, word ons genoodsaak om van nou af `n administratiewe fooi van R80 per veranderde faktuur te hef.

Hou asb by die betaaldatums op die faktuur, sodat ons nie elke week herinnerings vir betalings moet uitstuur nie. Ons weet dit is menslik om te vergeet, maar ons kan nie meer as 2 herinnerings uitstuur nie.

Geen WhatsApp asb, tensy u glad nie toegang tot internet het nie.

Oordreëls

  1. Maak seker dat vure geblus, dat gas toegedraai, lugreëlings en elektriese komberse afgeskakel is wanneer die huisies/toegeruste karavane verlaat word.
  2. Indien iets breek, beskadig of foutief is, meld aan by kantoor of by persoon aan diens.
  3. Alle aktiwiteite en gebruik van die swembaddens, rivier en dam is op eie risiko,ouers moet toesig hou waar dit nodig is.
  4. Geniet die natuur maar wanneer jy stap hou op die paaie.
  5. Spoedbeperking is STRENG 20km /uur ter wille van kinders, diere en die stofpaaie.
  6. Alle skottelgoed in Huisies, toegeruste karavane MOET gewas wees voor vertrek.
  7. GEEN MUSIEK WORD TOEGELAAT EN STILTE NA 22H00.
  8. Alkohol mag slegs gebruik word op u kampplek / akkomodasie waar u geboek is. Die gebruik van alkohol op alle ander plekke en publieke areas is verbode.
  9. Geen terugbetalings op vermindering van persone/nagte, of krediet van enige aard sal toegestaan word op veranderinge wat by aankoms gemaak word nie.
  10. Honde (of enige diere) word slegs toegelaat op die 3 troeteldier-vriendelike staanplekke Rivierpark 1A,1B,2.

Indien die reëls nie nagekom word nie, sal ons die reg hê om u te vra om die oord te verlaat sonder enige terugbetaling

U samewerking word waardeer.

Gewone Tariewe

Kampering:

R200 per nag per persoon

R120 per nag per kind 6 jaar en onder

R140 vir pensioenarisse (ID bewys), geld nie oor naweke/langnaweke/skoolvakansies behalwe Junie/Julie Skoolvakansie

Huisies:

R1600 per nag vir 4 persone

Toegeruste Karavane:

R1350 per nag vir 1-4 persone maks (Naweke of 2-3 weeksdae)

Tariewe is onderhewig aan prysveranderinge.

Bespreking reëls:

  • Minimum 3-4 nagte afhangende vakansiedae
  • ... en oor Des/Jan 'n minimum van 14 dae oor hoogseisoen (Kersfees/Nuwejaar).
  • Besprekings vir naweke moet vir a minimum van 2 nagte en `n minimum van 2 persone per staanplek wees.
  • Geen pensioenaris korting oor naweke, langnaweke en skoolvakansies nie.
  • Besprekings slegs per e-pos asseblief.
  • Geen dagbesoekers toegelaat nie.
  • Tariewe is onderhewig aan prysveranderinge.

As u die bogenoemde inligting gelees het, stuur epos aan:

Kantoor (Celeste/Helena): info@kleineparadys.co.za

Besprekings slegs deur e-pos, asseblief!

Besprekings word slegs op Maandag-Vrydag gedoen tydens kantoorure vanaf 09h00 tot 16h00.

Vir navrae, bel ons:

Kantoor (Celeste/Helena): 084 206 3190

Inkom en Vertrek Tye

Inkom

  • INBOEK TYD SLEGS TOT 19h00 (tensy anders met kantoor gereël)
  • by Huisies en toegeruste Karavane: elke dag 15h00
  • by Kampering: elke dag 12h00

Vertrek

  • by Huisies, toegeruste karavane en kampering: Maandag tot Vrydag 10h00, Sondae 14h00

Beleid ten opsigte van kanselasies:

  • Geen terugbetalings sal gedoen word nie, maar `n verskuiwing kan gedoen word wanneer omstandighede buite jou beheer plaasvind, maar ons moet ten minste 10 dae voor aankoms datum per epos in kennis gestel word.
  • Kansellasies kan gedoen word indien daar `n noodgeval van siekte of hospitalisasie plaasvind en dan kan die bespreking verskuif word na `n ander datum. `n Doktorsbrief of Hospitaal toelatingsvorm moet aan ons ge epos word.
  • `n Nuwe besprekingsdatum moet binne 7 dae na kansellasie aan ons ge epos word.
  • Alle nuwe besprekings (op `n kansellasie) moet binne 2 maande van die oorspronklike datum van aankoms geneem word. Dit sal nie noodwendig dieselfde nommer staanplek/huisie of toegeruste karavaan kan wees nie, maar wel dit wat beskikbaar is. Indien daar nie binne 2 maande plek beskikbaar is nie, sal die volgende beskikbare datum aan U deurgegee word.

Indien bogenoemde punte nie nagekom word ten opsigte van kansellasies nie, sal u ongelukkig U betalings verloor.

U samewerking sal opreg waardeer word (Bestuur Kleine Paradys)

Baie dankie!

Kleine Paradys
Kantoor (Celeste/Helena) : (084) 206 3190

× Zoomed image